ಎದೆಯ ಕೂದಲುಗಳ ಮೇಲೆ ಚೇಳುಗಳು

ಸುಮಾರು  ೧೫೦ ವರ್ಷಗಳ ಹಿಂದಿನ ಘಟನೆ .ಊರಲ್ಲಿ ಒಬ್ಬ ಹಿರಿಯರು ತನಗೆ ಎದೆನೋವು  ಇದೆ ಎಂದು ತಮ್ಮ ಆಪ್ತ ಬಳಗದಲ್ಲಿ  ಹೇಳಿಕೊಂಡು ಓಡಾಡುತ್ತಿದ್ದರಂತೆ .

ಆ ಕಾಲದಲ್ಲಿ ವೈದ್ಯರು  ಹಳ್ಳಿಗಳಲ್ಲಿ ಎಲ್ಲೂ ಕಾಣಸಿಗದ ದೇವರುಗಳು.

ಹಿರಿಯರ ಎದೆ ನೋವು ಊರಲ್ಲಿ ಒಂದು ಬಿಡಿಸಲಾರದ ಒಗಟಿನಂತಾಗಿತ್ತು .

ಹಗಲು ರಾತ್ರಿ ದುಡಿಯುವ  ಬಿರುಸಿನ ಆಳು ಒಂದೊಂದು ಸಾರಿ ನೋವು  ಎಂದಕೂಡಲೇ  ಬಹಳ ಮಂದಿಗೆ ನಂಬಲಾರದ ಅಳಲು ಆಗಿತ್ತು !.

ನಾಟಿ  ವೈದ್ಯರಾದರು !

ದೇವರು ದಿಂಡಿರು  ಆಯ್ತು !

ಮಾಟ ಮಂತ್ರವಾಯಿತು  ! 

ಆ  ಎಂಟೆದೆ  ಬಂಟನ  ಎದೆ ನೋವು ಮಾತ್ರ ಅವಾಗ್ ಅವಾಗ್ ಬಂದು  ಹೋಗುದು ತಪ್ಪಲಿಲ್ಲ  . 

ಹಿರಯರ ಬದುಕುವ ಬಗೇನೇ  ರೋಚಕ . ಒಂದು ದಿನ ಹಿರಿಯರು  ಹಳ್ಳದ ಪಕ್ಕದಲ್ಲಿ  ಮಲಗಿದ್ದರಂತೆ . ರಾತ್ರಿ  ಹೊತ್ತು  ಸುರಿದ  ಮಳೆಗೆ  ಹಾಸಿಗೆ ಸಮೇತ  ಹಳ್ಳದಲ್ಲಿ 

ಕೊಚ್ಚಿಕೊಂಡು ದೂರದ ಜಾಗದಲ್ಲಿ  ಹಾಸಿಗೆ ಸುತ್ತಿಕೊಂಡು ಬಿದ್ದಿದ್ದರಂತೆ .ಅವರನ್ನ  ಗುರುತಿಸಿ  ಆಪ್ತರು , ಸ್ನೇಹಿತರು ಗೋಳೊವೆಂದು  ಅಳುತ್ತ  ಆಕಡೆ ಯಿಕಡೆ ತಳ್ಳಿ ನಮ್ಮನ್ನ  ಬಿಟ್ಟು ಹೋದನೆಂದು  ಕಿರುಚಿದರಂತೆ .ಅವರ ತಳ್ಳಾಟಕ್ಕೆ  ಎಚ್ಚೆತ್ತು  " ಯೇ  ನಿಮ್ಮೌನ  ನಾ ಸತ್ತಿಲ್ಲರೋ " ಅಂದ್ರಂತೆ . 

ಕೊಚ್ಚಿಕೊಂಡು ಹೋದ್ರು ನಿದ್ರಾದೇವತೆ ಬಿಡಲಿಲ್ಲ   ನಮ್ಮ  ಹಿರಿಯರನ್ನ .

ಒಂದು ದಿನ ಊರಲ್ಲಿನ  ನಿಪುಣರು ಒಂದೆಡೆ  ಸೇರಿ ಹಿರಿಯರ  ಎದೆ  ನೋವಿನ ಮೂಲ ಹುಡುಕಲು ಸಿದ್ದರಾದರಂತೆ . ಅವರಲ್ಲಿ 

ಒಬ್ಬರು " ಹಿರಿಯರೇ ಅಂಗಿಯನ್ನ  ಬಿಚ್ಚಿ "

ದುರುಗುಡಸಿ ಎದೆಯನ್ನ  ನೋಡುತ್ತಾ ಹೇಳಿದರು  .

ಅಂಗಿಯನ್ನ  ಬಿಸಾಡುತ್ತಿದ್ದಂತೆ ನೆರೆದವರಿಗೆ  

ಒಂದು ಕಾಡು ನೋಡಿದಷ್ಟು  ಎದೆಯಮೇಲೆ ದಟ್ಟವಾದ ಅಡ್ಡ  ದಿಡ್ಡಿಯಾಗಿ ಕೂದಲು ಬೆಳೆದು ಹೊರಳಿತ್ತು .

ಕಾವು ಕೊಟ್ಟು ಎದೆಯನ್ನ  ಬಿಸಿ ಮಾಡಿದರೆ ಸ್ವಲ್ಪ ಸಮಾಧಾನ ಸಿಕ್ಕರೂ ಸಿಗಬಹುದು ಅನ್ನುತ ಲೆಕ್ಕಾಚಾರ ಹಾಕಿ ನಿಂತವರಲೊಬ್ಬರು ಮುಂದಾದರು .

ಕಾವೂ ಕೊಟ್ಟ ಕ್ಷಣ ಮಾತ್ರದಲ್ಲಿ ಕೂದಲುಗಳಲ್ಲಿ  ಮನೆಮಾಡಿಕೊಂಡಿರುವ ಚೇಳುಗಳು ಬುದು - ಬುದು ಹೊರಗಡೆ ಬಂದವು .

ಯಾವ ರೋಗುನು ಇಲ್ಲ ಕಾಯಿಲೇನು ಇಲ್ಲ . ಚೇಳುಗಳ ಕಡಿತಕ್ಕೆ ನೋವು ಬಂದಿದೆ ಅನ್ನುವ ಸಂಗತಿ ತಿಳಿದು ನೆರೆದವರು ಹೌ ಹಾರಿದರು . 

ಎದೆಯ ಮೇಲೆ ಜಿಡ್ಡುಗಟ್ಟಿದ ಕೂದಲುಗಳನ್ನೇ ಮನೆಮಾಡಿ ಆವಾಗ್ ಇವಾಗ್ ಕಚ್ಚುತಾ  ಹಿರಿಯರನ್ನ ಗೋಳಿಟ್ಟ ಚೇಳುಗಳಿಗೆ ಚಪ್ಪಲಿನ ಏಟು  ಕೊಡಲಾಯಿತು . 

ಹಿರಿಯರು ಅಂದ್ರು ಅಂದಿರಬಹುದು 

  "ಉಂಡ ಮನೆಗೆ ಕಣ್ಣು ಹಾಕಿದ ಚೇಳುಗಳೇ !!??"